Русско-лезгинский словарь

Всего статей – 34086, статей на «УЛ» – 43
УЛАВЛИВАТЬ
несов., см. уловить.
УЛАДИТЬ
туькIуьрун; дуьзрун; уладить дело кар туькIуьрун; уладить спорный вопрос гьуьжет алай месэла туькIуьрун.
УЛАДИТЬСЯ
туькIуьн (мес. кар).
УЛАЖИВАТЬ
несов. см. уладить.
УЛАЖИВАТЬСЯ
несов., см.1) уладитьси; 2) уладить.
УЛАН
улан (виликди яргъи ттум галай жидаяр гвай, балкIандал алай аскер).
УЛАНСКИЙ
уландин; уланрин (мес. полк).
УЛЕЙ
чIижерин куьни.
УЛЕПЕТНУТЬ
разг. тадиз фин, тадиз хъфин, катун.
УЛЕПЕТЫВАТЬ
несов., см. улепнуть.
УЛЕТАТЬ
несов., см. улететь.
УЛЕТЕТЬ
1. (лув гана, цавай) фин; хъфин. 2. пер. катун; тадиз фин; тадиз хъфин; чукурун. 3. пер. фин, алатун, алатна фин.
УЛЕТУЧИВАТЬСЯ
несов., см. улетучиться.
УЛЕТУЧИТЬСЯ
1. бугъадиз (газдиз) элкъвена куьтягь хьун, гар алахьна куьтягь хьун (мес. спирт). 2. пер. квахьун, акъатна фин; экъечIна фин.
УЛЕЧЬСЯ
1. къаткун. 2. гьакьун. 3. ацукьун; пыль улеглась руг ацукьна. 4. пер. секин хьун; волнение улеглось къалабулух секин хьана.
УЛИЗНУТЬ
разг. таквадайвал са къерехдивай хъфин, цIвех авун, катун.
УЛИКА
субут; делил; вещественные улики тахсир субут ийидай затIар (затIарикай ибарат тир субутар).
УЛИТКА
1. шкьуьнт. 2. анат. япун къене сес кьабулдай чка.
УЛИЦА
1. куьче. 2. къец, къецел пад; на улице мороз къецел пата аяз ава.
УЛИЧАТЬ
несов., см. уличить.
УЛИЧИТЬ
дуьздал акъудун, ачухун (ттаб, угъривал); тапарар дуьздал акъудун; субутун (угъривал, тапарар).
УЛИЧНЫЙ
1. куьчедин. 2. куьчебан, гьамиша куьчеда авай, куьчебан хьана гьатнавай, кьил ахъаз гьатнавай (мес. аял).
УЛОВ
садра кьур балугъар, кьур балугърин кьадар.
УЛОВИМЫЙ
кьаз жедай, кьатIуз жедай (ван, сес); едва уловимый шепот жизви кьаз жедай (кьатIуз жедай) кушкушдин ван.
УЛОВИТЬ
1. кьун. 2. пер. кьатIун. 3. пер. менфят къачун, хийир къачун (фурсатдикай); уловить момент моментдикай менфят къачун.
УЛОВКА
гьилле, уюн, амалдарвал, перде.
УЛОЖЕНИЕ
законрин кIватIал.
УЛОЖИТЬ
1. къаткурун. 2. ттун, ттуна туькIуьрун (мес. чемоданда затIар). 3. эцигун. 4. гьакьрун. 5. пер. яна кьин, яна ярхрун; уложить на месте гьа алай чкадал яна кьин.
УЛОЖИТЬСЯ
1. жуван затIар кIватIна (кутIунна) гьазур хьун (мес. саниз физ). 2. гьакьун. З. пер. бесрун, акъакьрун; докладчик уложился в полчаса докладчиди вичиз зур сят бесарна (яни зур сятина доклад куьтягьна); уложиться в смету сметада авай кьадардал бесриз хьун, (бесрун).
УЛОМАТЬ
разг. са гужалди рекьив гъун, рази авун.