“Zərbə endirmək”, “atmaq” mənasını verən tul feili olub. Onun da əsasında tulla, tolazla sözləri yaranıb, amma feil -la şəkilçisini qəbul etmir: vur-la-maq deyilmir, bəs necə olub ki, tul-la-maq yaranıb? Belə bir anlaşılmazlıq sal-la-maq feilində də var. Görünür, söz səpələ, silkələ qəlibi üzrə əmələ gəlib, sonra tulla, salla formasına düşüb. Qolazlamaq kimi də işlədilib. tolazla və qolazla eyni sözün fonetik variantlarıdır. (Bəşir Əhmədov. Etimologiya lüğəti)