гл.; -да, -на; -из, -зава; -а, -ин, -рай, -мир; кутӀун тпавун, кутӀун тахвун, кухтӀунун, кухтӀунмир || кутӀун хъийимир 1) са вуч, вуж ятӀани епина, симина туна нин-куьн патав ятӀани тун, акъвазарун. Къапудал кутӀун зунжурда аслан... Е. Э. Алкьвадар Гьасан эфендидин цӀийи кӀвалериз. А патал кьве мугьман алаз атай кьве балкӀан кутӀуннавай. 3. Р. ЦӀийи ханлух 2) малари са вуч ятӀани (араба, фургъун, алерар, куьтен, гъар) ялдай гьалда, акъвазарун. Абуру, Мурадан гамишни Къемберан яц кутӀунна, цанар санал цадай. 3. Э. Мехъер кьуьл туш. Колхоздин фермадай акъудна алеррик яцар кутӀунна, ам рекье гьатна. С. М. Цлахънаме. 3) са вуч ятӀани нел-квел ятӀани акъваздайвал авун. Али къведай вичин мукьвабурухъ галаз, КутӀунна гимишдин чӀулар юкьва. А. Ф. Кьайкьай авур зунжурар.... рехи чухвадин винелай гимишдин чӀул ва гимиш савад янавай гапур кутӀуннавай. А. Ф. Газет.. Къаридал яргъи чӀулав парталар алай, кьилик чӀулав жунадин чалма кутӀуннавай. А. Ф. Бубадин веси; Ша чна дегишарин! - теклифна ада, балкӀандив агатна, пурарин кьулухъай кутӀуннавай вичин плащ ахьайизахьайиз. Б. Гь. Заз эвера. Сувара, кьецӀил кӀвачер це амаз, киф храна куьтягьна, ам кьамал кӀватӀна, кьилихъ пипӀ кутӀун хъувуна. А. И. Самур. Ахпа ада вичин кӀвачел кутӀуннавай зунжур юзурна. А. Сайд. Кьисас. 4) кьве терефди са гьихьтин ятӀани серенжемар кьабулун. Гьажи - Давуд урус пачагъдихъ галаз барабар икьрар кутӀуниз гъазур тир. А. Бутаев. Гьажи Давуд ва лезгийрин азад женгер.