араб, сущ.; -ди, -да; -ар, -ри, -ра 1) са халкьди вичин уьмуьрда, гьар йикъан яшайишда вилив хвена кӀандай къайда. Уьмуьрдин къанунар виридаз сад я. 3. Р. Веси. Гьуьжетдин месэлаяр гьялдайла, кавхаяр бубайрилай адет хьанвай къанунрал асаслу жезвай. С. Муслимов. ЦицӀигъ-наме. Чи гьакимрин кьайдаяр пак къанунар хьиз кьабулзавайвиляй чун гьа икӀ чӀар текъвез ава. Т. А. Мехъер куьтягь тахьанмаз. 2) илимдин ва я диндин хилериз хас тир къайда. \[Асланхан\]. Ам кьиникьик кваз хизанрин вилик кафан къачун, суркьул атӀайбуруз, сур хвейибуруз гьакъи гун, фекьи-фахра рази авун, хемис садакьаигьсан авун хьтин шериатдин къанунар акъвазна. А. Ф. Бубадин веси. Чаз яхдиз сиягьатда авайбурун къанунрикай сад тир - ачух гьавадал вирида санал йиф акъудунин адет чӀуриз кӀан хьанач, гьавиляй багъда амукьун къарардиз къачуна. Къ. М. Дуствилин цӀай. Амма гила тарикъатдин къанунар ТӀимил-шимил жувазни чир хьайила, Ада вичин ихтилатра къаб алай Ийизвай кьван закай рахшанд, ягьанат. А. Къ. Ярагъ Мегьамедан гъазават. 3) къайда.... аскерди вич гишила ава, армияда са къанунни авач лагьана дидедиз чар кхьена. А. Къ. Инсандин ажузвал. Синоним: закон.