сущ: , -ра, -ра; -ар, -ори, -ара 1) кӀвачерал кьакьан тушир, еке тӀиш, яргъи япар алай, балкӀандиз ухшар кӀвалин гьайван. Я стхаяр, за квез гьикӀ лагьанай, а пачагьдин хазина атайла, зи лам тадайди туш, лагьанайни? Гила зи ламран къимет вахце. Ф. Лайихлу наб. Гагь деведиз кӀанда кӀасиз, Гагь ламраз, вун кӀурув ягъиз. С. С. Урусатдиз. КӀеве акӀайла, Мегьтидин кьилиз Лам алцурардай атана са кар. С. Мегьтидин лам. 2) куьч. акьул авачирди. Зи са бендиник тарифдиз лайих Кутаз алахъна вун чӀехи синих. Вучда, акунач ваз ви авамвал. Жедач ламравай табуна ламвал. А. Ал. Эпиграмма. Девир ламаринди я, рикӀел алан жейран, гьа икӀ физва девирар! С. А. Къе. 3) гзаф эхдайди.
* лам гатаз тахьайла, паландал алахъун гл., вуж халис тахсиркардиз жаза гуз тахьайла, адаз мукьва, талукь са затӀуниз зарар гун. Шаир гьеле уьмуьрдин шартӀарин вилик зайиф я. Ам «лам гатаз. тахьайла, паландал алахъзава». А. Гьажимурадов. Зегьметдин ашукь. $ Тахьайла лам гатаз, пурар ямир на, ВацӀ яни бес чи халкь икӀ зайзавайди? О. Гуьсейнов. Кьулан вацӀ.
* лам квай ихтилат рах., сущ. гада эвленмиш авун патал кӀвале дишегьлидикай ийизвай сифте ихтилат(ар).
* лам-шаркӀунтӀ сущ. юкь агъузна, 2-3 касди сада садан кьулухъай чпи чеб кьун ва гьакьван ксар, гьардал сад жедайвал, кьулухъай хкадарна, акьахиз къугъунин тӀвар.
* ламра кӀуру яна, женнетдиз аватун. гл. пис кардин нетижа яз хъсан кар арадиз атун.
* ламра япар сущ. винел пад цӀалцӀам, къацу ва къайи, кӀаник пад хъуьтуьл ва чими цак жедай чилин хъач-набатат. Ламра япар кваз звал гъайи яд хъвайила, туьтер чиркедикай михьи жеда. Р.
* ламраз яд кӀан жедалди нар. яргъалди ва гзаф тӀар жедалди. Вегь гила, гадаяр, адаз, ламраз яд кӀ ан жедалди вегь, - эмир авуна Бубади. Къ. Къ. КӀири Буба.
* ламралай аватай(ди) хьиз амукьун хьун\] гл., вуж; жуван батӀулвал аннамишна, гаф ахкъат тийиз амукьун. Пачагъ килигайтӀа, Аллагъ гьинва, малайик вучтинди я? Вири халкь, кӀватӀ хьана, вичел хъуьрезва. Адаз лап вич ламралай аватайди хьиз хьана. Ф. Халуни хтул. Вибур вири тапарар я, вун гьарамзада я; мад чун садни ви гафунихъ ягъадач, - лагьана, вичин гъилевай чумахъ юзурна. Фекьи ламралай аватай хьиз хьана. Ф. Фекьини чубан. Кьве сеферда галаз-галаз икӀ ламралай аватайди хьиз амукьуни капитан Агьмед ЯркӀарован намусдик хкуьрнавай. А. Къ. Мал цаваравай савдагар ва я рикӀелни алачир командировка.
* ламра(н) япар сущ. лацу хъуьтуьл гьяркьуь йис алай хьтин хъчарин жинс. Синоним: тӀенгир(ар).
* ламран араба сущ. пар тухун патал лам кутӀуннавай араба. Аку, ахцукъарна гьа и ламран арабада, за вун гьа гъайи Худатиз хутахна тада. Чир хъухъ. Р. Гь. Лацу цавун кӀаник.
* ламран рухваяр (хва) векъи, сущ. эркекриз (зркекдиз) ийидай экъуьгъунрикай сад. АкӀ хьайила, Бубади вичи чун флан чкадал текдиз ала, атана яхъ, ламран рухваяр, куьн итимар ятӀа, ~ лагьана абуруз хабар гайитӀа, белки, абур къведа. Къ. Къ. КӀири Буба. Са гужуналди меселай къарагъна, кроватдин кӀаник къайдасуз гадарнавай ичӀи шуьшеяр гъилелай авуна, ам тумбочкада къекъвена. «Гьич са стӀал кьванни тунвач. Агь, ламран рухваяр!» - перт яз кьуд пата вил экъуьрна Сагьира. У. Къемберов. Спелар куьрсарай хам.