|| МАХСУСИ араб, ктаб., прил. анжах са затӀуниз талукь тир. Гьелбетда, нафт хкудунин жигъетдай адахь махсус чирвилер авачир. А. А. Нажмудин Самурский. ТӀиш-пӀуз яру хьанвай Гьасан милщиядин работникри, Мирзединни Шамилан кӀаникай хкудна, пудни махсус машикда аваз милщиядин идарадиз тухвана. Я. Къафаров. Мейит. Са варз я адал Надир-иагьдилай кьушундиз суьрсет кӀватӀун патал махсус чар атана. Хаспулатани гьадаз герек тир жаваб раккъурнава. З. Р. Гьажи Давуд. Абу-Алиди, халис кьушунрилай гъейри, хушуналди къвез кӀандайбурни кьабулна махсуси тарашчийрин дестеярни туькӀуьрна. З. Р. Гьажи Давуд. Гьелбетда, тамар хуьн патал махсус серенжемар кьабулун лазим я. ЛГ, 1996, 5 ӀӀӀ. Синоним: кьетӀен.
* махсус корреспондент сущ. газетдин штатдик квай корреспондент. Махсус корреспондент я, амма махсусдаказ кхьиз чир хьанвач. Р.
* махсус корреспондентвал сущ. газетдин штатдик квай корреспондент тир гьал. За «Азербайжандин жегьилар» газетдин махсус корреспондентвиле, гуьгъуьнлайни Хачмазда районрин уртах «Халкьарин дуствал» газетдин кьилин редакторвиле кӀвалахна. М. М.