прил. 1) вичин (гьайванвилин) тӀебиатдиз хас тир вагьшивилин лишанар артух хьанвай. # ~ кицӀ, ~ жанавур, ~ сев. 2) куьч. инсанвилин лишанар квадарнавай, амачир, вагьшивал хас тир. Сейке итим, чуру рехи, Рахадайла гафар пехъи, Жедайд туш я чинизрегъуь, Адан инсанвилин гьал кьий. С. С. Темпел. Советрин дирибаш халкьди пехъи душман метӀерал акъвазарна. З. Э. Социалист Зегьметдин Герой Темирханов. Гатазва виниз авур касдин кьил, Гьелекзава эл гьакимри пехъи. Б. С. Ават ахварай. 3) куьч. гужлу. - Акъвазара! Акъвазара!! - Сада пехъи ванцелди гьарайна, Къ. М. Экуь инсан.
* пехъи авун гл., ни-куь вуж хъел квай, гьуьрслуь тир гьалдиз гъун. Хъифидай рекье, ажугълувили пехъи авунвай кулакдиз... къуьлуьн твар тухузвай цвег аквада кьван. Къ. М. Дуствилин цӀай.
* пехъи хьун гл., вуж-вуч 1) пехъи тир гьалдиз атун. ЦӀийи йисан сифте кьилера Европадин агьалийрихъ къалабулух кутунвай месэлайрикай садни пехъи хьанвай калер я. И калерин як тӀуьр инсанар пехъи жезва ва рекьизва. "Самур" газ. 2001,18.Ӏ. 2) куьч. вагьшивал артух хьун. Пехъи хьанва леш гьатнавай пехъер хьиз... А. С. Дидедин кьисас. Хан пехъи хьана, нуькердал тепилмиш хьана: Къ. М. Рекьин риваятар. Душман пехъи жердавай Къазима гьамеда вичин сая хвални артухарна кӀвалах мадни гужлу ийизвай. А. И. Самур. 3) куьч. гужлу хьун. - Самур вацӀ чидай... Ам гьа эвел хьиз пехъизмани?. Т. А. Мехъер куьтягь тахьанмаз