сущ.; -ини, -ина; -ер, -ери, -ера 1) са гьалунал акалнавай гъвечӀи элкъвей затӀар. 2) сад-садан гуьгъуьналлаз къайдада авайбур. Дурнайрин цӀиргъ физва цавай, Сифте дурна секин я. А. С. Лацу мани. Къубу ацӀуз, алахьзава дуьзендиз, Дурнайрин цӀиргъ элячӀзавай винелай. М. Ж. Вун къати тир.... Хер хьанвай А. Гончаренко чпел къвезвай немсерин цӀиргъ акъвазариз гьавалат хьанвай. ЛГ, 2004, 22.Ӏ. 3) куьч. гзаф кьадар. СтӀал Сулейман, ЦӀадаса Гьамзат, Эфенди Капиев хьтин къагьриманрин чешнеди цавун аршдиз цӀийи гъетер чпин къуьнерал алаз хкаждай тегьерда зурба уьлкведин гьар са пипӀяй аквадай бажарагълу тӀварарин тамам цӀиргъ гъана. "Самур" журн. 2002, No 23. Куь гьар садан кхьинрикай хараяр хьанва, Квез гун патал суалрин цӀиргъ зи мецел ала. А. Къ. Кьве малаик. Синоним: жерге.
* цӀиргъ хьун гл. сад-садан гуьгъуьналлаз къайдада гьатун. Гила рабочийри, цӀиргъ хьана акъвазнавай тачкайра авай балугъар дашмишна, лабазда авай чанариз хъивегьна. З. Э. КУТВ-диз фена.
* цӀиргъ ягъун нугъ., гл., ни-куь тайин са чкадилай элкъвей цӀарцӀе аваз къекъуьн, фин. Керекуьре капарал акъваззава. Кускафтар адан далудал акьахзава, «гьач» лугьуз ам гьалзава. Са цӀиргъ ягъайдалай кьулухъ эвичӀзава ). Ф. Б. Филиал.