межд. гъам-хажалатдин лишан яз сивяй акъатзавай сесер. Агь! - лагьана, гьарай акъатна, Зал чукурна, экъечӀна. Ф. Рустам Зал. Агь, кӀвал чӀур хьана, - лагьана бубади. А. Ф. КьатӀ-кьатӀ авур зунжурар. Динж ятӀа вун, агь, зи кару, Яраб вун гьикӀ ксанватӀа ? М. М. АтӀанва зи вилин ахвар. Агь, ви жегьилвал, ви гуьзелвал захъ амаз кӀандай, за шегьер зи кӀвачерик ярхардай... А. М. Киф атӀайди. Агь, яшайиш, тажуб я вал, ХупӀ гьахъсузди я ви терез. Ш. Къ. Азарханадай жаваб. Зарбаф халадай гьарай акъатна: -Агь, вун хейратдиз фий, садакьадиз гайиди! А. Сайд. Вили яна. Агь, уьмуьр, вун, агь, фена хьи, Гуьлле хьиз. А. Къ. Кьуьзуь шаирдикай сонет. Агь, цав гьикьван вили ятӀа... П. Ф. Агь, цав...