туьрк, прил. бахт авачир, азиятри кьунвай, четинвилелди яшамиш жезвай.... заз герек автобусни и бахтикъара дишегьлидал вилер алаз атана фена. 3. Ф. Булахриз ятар хтурай.
* бахтикъара авун гл., ни вуж бахт авачир, азиятри кьунвай, четинвилелди яшамиш жезвай гьалдиз гъун. Ада вичи вичин руш бахтикъара авуна. Р. Артистди Айдын бахтикъара авур обществодин адалатсузвал, инсафсузвал жанлудаказ, таъсирдайвал къалурнава. ЛГ, 2001,12. дек.
* бахтикъара хьун гл., вуж бахт авачирди хьун. Гьич са касни бахтикъара тахьуй, гъей. Е. Э. Бахтсузвал Адаз вичин авайни авачир са велед хъсан чкада динж ийиз кӀанзавай: адан вичин хсуси уьмуьр бахтикъара хьанвай - итим, ам туна, ченги галаз, шегьердиз катнавай. А. М. Киф атӀайди. Минет я ваз: язух ша тӀун кӀанидан, Вахъ вил гала бахтикъара хьайидан. Ш. Къ. Язух ша тӀун кӀанидан.