Devastasiya
Devastasiya (lat. devastatio) - tədricən və ardıcıl surətdə həyata keçirməklə insan və heyvanların patogen helmintozlardan azad olmasına yönəldən kompleks müalicə - profilaktik tədbirlər. Akademik K.İ.Skryabinə görə, devastasiyanın əsas prinsipləri helmintoların törədicilərini bütün inkişaf mərhələlərində mexaniki, farmoterapevtik və bioloji üsulla məhv etməkdən ibarətdir. 1959-cu ildə səhiyyə və xalq təsərrüfatının ehtiyacını nəzərə alaraq K.İ.Skryabin aşağıdakı helmintlərin devastasiyasını irəli sürmüşdür: öküz və donuz soliterləri, exinokokk, qoyunlarda senurozun törədicisi.
== Ədəbiyyat ==
1. Axundov M.A., Mehrəliyev Ə.Ə., Əliyev A.R., Muradova E.Ə. Bioloji terminlər lüğəti. Bakı, 2005, 260 s.
Devalvasiya
Devalvasiya — (lat. de — enmə, lat. valeo — dəyəri) pul vahidinin qızıl məzmununun rəsmi azalması, yaxud milli valyutanın qızıla, gümüşə, xarici valyutaya görə məzənnəsinin aşağı düşməsi deməkdir. Müasir şəraitdə termin stabil valyutalara nisbətən enən milli valyutada işlənilir.
Revalvasiyaya əks olaraq, devalvasiya milli banklarda milli valyutanın idarə olunması aləti kimi baxılır.
== Devalvasiya və inflyasiya ==
İnflyasiya termini devalivasiya termininə yaxındı, amma birinci milli valyutanın yerli bazarda alıcılıq qabiliyyətinə aiddi, ikinci isə xarici valyutaya görə alıcılıq qabiliyyətinə. Mənaca ikisi də alıcılıq qabiliyyətini xarakterizə edir. Valyutanın devalvasiyası ölkə daxilindəki inflyasiya səbəbindən də ola bilər. Xarici valyutanın inflasiyaya uğramasından da milli valyuta devalvasiyaya uğramadan inflyasiyaya uğraya bilər. Əgər xarici valyuta deflyasiyaya uğrasa devolvasiya inflyasiyasız ola bilər.