is. [ ər. ]
1. qram. Müstəqil mənası olmayan, lakin cümlədə müxtəlif məna çalarları əmələ gətirən söz, hissəcik.
2. köhn. Alət, avadanlıq, ləvazimat.
Ədat
Ədat — sözlərin və cümlələrin təsir gücünü artıran köməkçi nitq hissəsi. Ədatlar cümləyə müxtəlif cəhətdən məna incəlikləri verir, ifadənin səlistləşməsinə və fikrin məntiqi qurulmasına xidmət edir.
== Ədatların mənaca növləri ==
=== Qüvvətləndirici ədatlar ===
Ən, lap, daha, axı, hətta, artıq, -ca², da, də, ha, düz, bir, ki, necə, nə, belə, olduqca, heç ədatları qüvvətləndirici ədatlardır. Məsələn:
Lap başımı itirmişəm.
Artıq mən belə fikirlə razı deyiləm.
Axı o bununla maraqlanırdı?
Sən bunu desən belə, heç kəs razı olmayacaq.
Bunu mütləq deməlisən ha!
Hətta mən də bunu bilmirdim.
Düz yanında dayandı.