ƏYİLMƏK

f.
1. Əyri hala düşmək. Dəmir əyildi. Məftil əyilib.
2. Təzyiq, ağırlıq altında aşağıya doğru meyil etmək; sallanmaq. Ağacın budaqları əyilib. – Ev köhnə evə oxşayır.
Çünki tirlərin çoxusu əyilibdir. C.Məmmədquluzadə.

3. Belini əymək, aşağı qatlanmaq. Əyilib daşı yerdən qaldırdı.
– Südabə əyilib [anasının] alnından öpərək çəkilib getdi. M.İbrahimov.
Əyilib yeri nə qədər diqqətlə yoxladımsa da, heç bir iz görmədim. M.Rzaquluzadə.

4. məc. Sitayiş etmək, səcdə etmək, baş əymək.
[Şeyx Sənan:] Gəlməz əldən əyilməmək… Əlbət; Səndə var çünki başqa ülviyyət. H.Cavid.
Ey gənc! Səadəti bir xəyal bilmə; Nə olursa olsun, ancaq əyilmə! S.Vurğun.
[Leyla:] De ki, üz döndərib məhəbbətimdən; Ucuz şöhrətlərə əyilmərəm mən! B.Vahabzadə.

5. məc. İncimək, küsmək.
Nə deməkdir dost dostundan əyilmək? M.P.Vaqif.

6. Etina etmək, meyil göstərmək, fikir vermək.
Gözlərini bir kərə silməzdi el; Qəzetəyə, jurnala əyilməzdi el… M.Ə.Sabir.

7. Batmağa doğru meyil etmək (Günəş haqqında).
Dağ başını qar alar; Gün əyilər, saralar; İgid ölər, ad qoyar; Müxənnətdən nə qalar? (Bayatı).
O gün axşamüstü günəş üfüqə doğru əyilmiş, kölgələr uzanmağa başlamışdı. S.Hüseyn.
Gün əyiləndən sonra sahənin üzərində dəstə-dəstə dolaşa uçuşurdu. İ.Hüseynov.
Şahmar evlərinə çatanda gün lap əyilmişdi. B.Bayramov.

Sinonimlər (yaxın mənalı sözlər)

  • ƏYİLMƏK 1. ƏYİLMƏK Əyilib yeri nə qədər diqqətlə yoxladımsa da, heç bir iz görmədim (M.Rzaquluzadə); SİNMƏK (dan
  • ƏYİLMƏK sallanmaq
  • ƏYİLMƏK qatlanmaq
  • ƏYİLMƏK batmaq — yaxmaq (günəş)
  • ƏYİLMƏK incimək — küsmək

Antonimlər (əks mənalı sözlər)

  • ƏYİLMƏK ƏYİLMƏK – DURMAQ Masa ətrafında dörd nəfər də əyilmişdi (H.Nəzərli); Bir sutka ayaq üstündə durdum (Mir Cəlal)
ƏYİLMƏ
ƏYİLTMƏ

Digər lüğətlərdə

бездыха́нный несчётность переу́чивание сбли́зиться амёба атла́систый грязну́ха доба́вочно заки́снуть заполоня́ться зашвыря́ть изжева́ть на свою ше́ю неприе́млемый сли́тие бекеша тябло dustman moth outlay Stretford мусорный накопительство неврастеник стабилизация