ABADLIQ

is.
1. Hər hansı bir yerdə əhalinin yaşayışına lazım olan şərait və vəsait. Şəhərin abadlığına çox diqqət yetirilir. – Bakıda gedən quruculuq və abadlıq işlərinin sürət və vüsətini rayon mərkəzlərinə köçürməliyik. Ə.Vəliyev.
2. Abad yer, yaşayış yeri, yaşayış üçün yararlı yer; şenlik. Ölkəmizin hər yeri abadlıqdır. – İnsan abadlıq, bayquş xarabalıq sevər. (Ata. sözü). [Bədəl:] Az keçər, qardaşlar, Pərviz xan xaraba qoyduğu yerlərdə abadlıq görərsiniz. Ə.Haqverdiyev.
3. məc. klas. Ruh rahatlığı, dərdsizlik, qayğısızlıq mənasında. Hiç rəng ilə mənə abadlıq mümkün deyil. Füzuli.

Həmin söz digər lüğətlərdə:

Azərbaycanca-rusca lüğət (qısa)

ABADLIQ благоустройство, благоустренность ətraflı

Azərbaycanca-rusca lüğət

ABADLIQ сущ. 1. благоустройство. Abadlıq sahəsində işlər работы по благоустройству 2. благоустроенность ətraflı

Author: Obastan; Publisher: Obastan