1. Sevgi, dostluq, sevinc əlaməti olaraq, yaxud görüşdükdə və ya ayrıldıqda dodaqlarını birinə və ya bir şeyə toxundurmaq; busə etmək, busə almaq. Gözlərindən öpmək.
– Səhər Sona çay vaxtı adət üzrə anasını öpdü.
Mehriban məhəbbətlə qarışıq bir həyəcanla Rəmziyyənin üzündən, dodaqlarından, gözlərindən öpməyə başladı.
// Obrazlı təşbehlərdə.
Axar çaylar öpdü o gün; Atlıların ayağından.
Məzarı öpdükcə hörmətlə rüzgar; Düşür çöhrəsinə ilıq damlalar.
2. məc. Toxunmaq, təmas etmək, dəymək.
[Arslan bəy Maralın verdiyi çiçəyi alaraq:] …Əllərinizi öpmüş olan bu munis gülə ömrüm olduqca pərəstiş edəcəyəm.