1. Bir şeyin altına, içərisinə, arasına və ya dalına qoymaq, daxil etmək; dar bir yerin içinə qoymaq. Parçanı dolaba soxmaq.
– [Qız] məni görüncə yazdığı kağızı kitab altına soxub qalxdı.
Döşəyini söküb paketi yunların arasına soxdu.
// Zorla soxmaq, dürtmək.
Dadaşım məni qalağın içinə soxandan sonra özü də başını uzatdı içəri…
□ Özünü soxmaq – zorla girməyə çalışmaq, özünü təpmək, dürtmək, girmək, soxulmaq.
Bir bəhanə gətirməklə özünü o arvad, qız olan məhəlləyə soxardı.
[Gülsüm] birtəhər itdən xilas olub, özünü çörək təndirinə soxdu və dəmir sacı başına çəkdi.
2. Salmaq.
Əlimi hinə soxub suyun içindən cücələrin cəmdəklərini bir-bir çıxartdım.
[Əşrəf] əlini sürətlə cibinə soxaraq təhdidamiz: – Musa! – qışqırdı.
3. Batırmaq, saplamaq, keçirmək. Elə bil qıçıma şiş soxdular.
4. Bir sıra sözlərə qoşularaq müxtəlif ifadələr düzəldilir; məs.: baş soxmaq, gözə soxmaq, burun soxmaq.