ŞALLAQ Yoldaşlarının yanına qayıdanda Vəzirovun üzündə şallaq izi vardı, gözləri isə gülürdü (M.İbrahimov); QAMÇI [1-ci kəndli:] Koxalar, əllərində qamçı, hamını buraya gəlməyə məcbur edirdi (A.Şaiq); QIRMANC (uzun şallaq) Bir nəfər adam irəlidə, biri ortada, üçüncüsü lap geridə dəvəyə minib, səssizcə, yırğalana-yırğalana gəlir, hərdən-bir qırmancla dəvələrin burnundan vururdular (M.Hüseyn); TATARI Bir tərəfdə bir atlı; Atları yel qanadlı; Tatarısı əlində; Patrondaşı belində (M.Rahim); TAZİYANƏ (köhn.) Koroğlu Qırata bir taziyanə vurdu (“Koroğlu”).