AĞIZ¹

сущ. 1. сив; 2. сивин; ağız boşluğu сивин къен; ağız suyu сивин яд, гъер; ** ağız açmaq а) сив ахъаюн, хагьишун, минетун (са кар патал); б) кьейидахъ шехьун, лугьунар авун; ağız bir eləmək гаф-чӀал сад авун; ağız burmaq а) кlуф дакlурун, наразивал къалурун, хъелун; б) пер. кӀан тахьун; ağız-ağıza vermək а) ван-ванце ттун, ван-ванце ттуна санал лугьун, гьараюн; б) кьил кьун, гафар элуькьарун, гьуьжетун; ağızdan bilmək хуралай чир хьун, яд хьиз чир хьун; ağızdan boş а) гафуниз кесер авачир, гаф ише тефидай; б) сив гъуьргъуь, сивик рак квачир, гаф (сир) хуьз тежер; ağızdan çıxmaq сивяй акъатун, лугьун; ağızdan diri (iti) сивик звер квай, мецел пайгар; ağızdan gələni (çıxanı) demək сивел атайди (сивяй акъатайди) лугьун, экъуьгъун, экъуьгъна беябурун; ağızdan-ağıza keçmək (söylənmək, deyilmək, dolaşmaq) сивяй-сивиз фин, сиверай-сивериз фин, сада-садаз лугьун, чукӀун (мес. хабар); ağızlara düşmək сивера гьатун, сиве-сара гьатун (пис манада); ağzı açılmaq а) сив ахъа хьун, экъуьгъиз (ахмуриз) авалун; б) кьил ахъа хьун, кӀватӀал гьалда (санал) къвез авалун (мес. суьруь); ağzı ayrıla (açıla) qalmaq сив ахъаз (ахъа хьана) амукьун, пагь атӀана амукьун; ağzı deyil! (адан) сив туш! гьунар туш!, (адавай) алакьдач; ağzı ilə quş tutmaq гаф сиве амаз кьун (гзаф зиринг, гьар са затӀ фад гъавурда гьатдай касдин гьакъинда); ağzı köpüklənmək пер. сивел каф акьалтун, сивел каф алаз хьун, гзаф хъел атун; ağzı nədi(r) сив вуч я, вуч ихтияр ава манада; ağzı soyumaq кьин; ağzı sulanmaq сивелай (цӀаран) яд фин, сивел яд атун, темягьда гьатун, темягь фин; ağzı süd qoxumaq кил. ağzından süd iyi gəlmək; ağzı sürüşmək мез цӀуьдгъуьнун, рахадамаз алатун, акахьун; ağzına ağız (dil) vermək сиве мез ттун, гафуниз къуват гун, худугун; ağzına almaq а) сивел гъин, лугьун, рахун; б) сиве кьун, кьун, кьуд патахъ чукӀун; ağzına baxmaq сивиз килигун, вичин фикир авачиз масада лагьайвал авун; ağzına çullu dovşan yerləşmir (sığmır) сивив чӀиб акагдач (вичи-вич ялдай, дамах гвай, лавгъа, туп ядай касдин гьакъинда); ağzına gələni demək сивел атайди лугьун, тади гун, туьгьметун, беябур авун, экъуьгъун; ağzına su almaq (götürmək) сиве яд кьун, рахун тавун, кисун; ağzında dili yox сиве мез авачир, кӀел хьтин, хъуьтуьл, ажуз, язух касдин гьакъинда; ağzından çıxmaq сивяй акъатун, жувалай аслу тушиз са гаф лугьун; ağzından düşməmək сивяй ават тавун, мецяй ават тавун, гьамиша тикрар авун, мецел алаз хьун; ağzından qaçırmaq сивяй акъудун, жувакай хабар авачиз лугьун; ağzından qan qoxusu (iyi) gəlir сивикай ивидин ни къвезва, къал акъудиз (дяве ийиз) кӀандай, хаталу касдин гьакъинда; ağzından süd iyi gəlmək сивихъай некӀедин ни атун (сивел некӀедин гел аламукьун), гзаф жегьил, тежрибасуз касдин гьакъинда; ağzını açdırmaq сив ахъайиз тун, пис гафар лугьуниз себеб хьун (пис касдин гьакъинда); ağzını açmaq сив ахъаюн, рахаз авалун; ağzını Allah yoluna açmaq а) сив Аллагьдин рекье ахъаюн, къекъверагвал авун, тӀалабиз гьатун, це лугьун; б) сивел атайвал рахун; ağzını ara(la)maq сив (мез) акун, садан фикир, макьсад чирун патал алахъун; ağzını bağlamaq сив кьун, сив кӀевун, рахаз тагун, кисарун; ağzını bədə açmaq сив пис патахъ ахъаюн, пис рахун, пис ниятдалди рахун, хъсанвилихъ рахун тавун; ağzını büz(üşdür) mək сив агажун, наразивал къалурун, бегенмиш тахьун (наразивал ччинин мимикайралди къалурун); ağzını əymək а) сив патахъарун, садан чӀалар ахъаюн; б) кил. ağzını büz(üşdür) mək; ağzını xeyrə açmaq сив хийирдиз ахъаюн, хъсан (хийир авай) гафар рахун; ağzını ovmaq сивиз гъуд гун, гатун, жаза гун; ağzını qaytarmaq пер. сив элкъуьрун, лазим тир жаваб гун, ред авун; ağzını saxlamaq сив хуьн, рахун тавун, жаваб тагун, пис гаф лугьуникай къакъасун; ağzını sulandırmaq кил. ağzının suyunu axıtmaq; ağzını təmiz saxlamaq сив михьиз хуьн, пис гаф лугьуникай къакъасун, рахадамаз игьтиятлу хьун, эдебдалди рахун; ağzını tutmaq сив кьун, рахаз тагун, кисарун; ağzını yoxlamaq кил. ağzını ara(la)maq; ağzını yormaq сив галудун (буш гафаралди); ağzını yummaq сив кӀевун, куьчӀуьрарна ва я пул гана кисарун; ağzının sözünü bilmək сивяй акъуддай гаф чир хьун, рахаз чир хьун, рахадамаз пис гафар лугьуникай къакъасун; ağzının suyunu axıtmaq сивелай (цӀаран) яд ракъурун, темягьдиз гъун; bir ağızdan са сивяй, вирида санал, хордалди; sözü ağzında qalmaq гаф сиве амукьун, фикир лагьана куьтягьиз мажал тахьун, гаф зуракӀ амукьун; sözü ağzından tökülmək михьиз рахаз тахьун, гафар жакьваз-жакьваз лугьун.