1. Verilən suala müsbət cavab və ya təsdiq üçün işlənilir; hə, elədir; (yox ziddi).
[Şəhrəbanı xanım:] Bəli, baba dərviş çox razı oldum.
Salman düşündü və: – Nə faciədir o? – dedi.
– Üsyan günlərinimi deyirsən? – Üsyan günlərini, bəli, üsyan günlərini.
[Piri baba:] Bəli, qızım, qarışqaların toyudur.
Bənna güldü, – bəli, – dedi, – gərək tələsək.
2. Çağırışa nəzakətli cavab.
Əhməd! – Bəli!
3. Anlaşılmayan bir sözü təkrar etdirmək üçün sorğu yerində işlənir. – Bəli, nə dediniz, eşitmədim.
4. Danışılanlara yekun vurmaq, ya fikirdə olan şeyləri xülasə etmək üçün söylənir.
Bəli, atları gətirdilər və minib, Təbrizdən çıxıb, üz qoyduq Araz kənarına tərəf hərəkət etməyə.
5. Bəzən təəssüf, yaxud kinayə, narazılıq ifadə edir. Bəli, ömrümüzdən bir il də getdi! Bəli, əlli beşinci il də belə getdi! Bəli, bu da bu yandan çıxdı!
