1. Dadını, tamını bilmək üçün bir az yemək və ya içmək. – Dadmaqla mal tükənməz. ( Ata. sözü ).
[Xanmirzə bəy:] Sən məzhəbin haqqı, bu şərablardan bir az dad.
// Ümumiyyətlə yemək, ya içmək.
Axşam azanı deyilən kimi mömin müsəlman bilmir ki, nəyə əl uzatsın; çaymı içsin, firnimi yesin, halvadanmı dadsın.
2. Müəyyən dad, tam vermək. Şirin dadmaq. Acı dadmaq. Turş dadmaq.
3. məc. Sınamaq, təcrübə etmək, hiss etmək, duymaq.
Qoy nakam getməsin dünyadan o qız; Dadsın hər arzunun yüz nemətini.
Narıngül isə ağır və acı dövranın müqabilində artıq bəxtəvər həyatın meyvələrini dadmışdı.
// məc. Çəkmək, düçar olmaq, məruz qalmaq, görmək, keçirmək, başına gəlmək. Həyatın acılığını dadmaq.
4. məc. Qanmaq, anlamaq, başa düşmək, duymaq.
Əsgərin ağlı koxanın danışığından bir şey dadmadı.