1. Dar şeyin halı; ensizlik. Yolun darlığı. Keçidin darlığı.
// Yer (sahə) azlığı; darısqallıq. Mənzilin darlığı.
// Sıxlıq, tarımlıq. Şalvarın darlığı. Paltarın darlığı.
2. Sıxıntı, tənglik. Nəfəs darlığı.
3. məc. Maddi sıxıntı, çətinlik, ehtiyac, yoxsulluq; məhrumiyyət. Varlığa nə darlıq?! ( Ata. sözü ).
□ Darlığa düşmək – 1) maddi cəhətdən çətin vəziyyətə düşmək, ehtiyacı olmaq;
2) ağır, çətin vəziyyətə düşmək.
Simurq dedi: – Siman, al bu tükü, darlığa düşsən, bu tükləri bir-birinə çəkərsən, mən harada olsam, gəlib harayına çataram. ().
Darlıq çəkmək – maddi sıxıntı çəkmək, ehtiyac içində olmaq.
Onun köməksiz, əlacsız və möhtac baxışları özünün maddi tərəfdən darlıq çəkdiyini də göstərirdi.
4. Azlıq, məhdudluq, çatışmazlıq. Vaxtın darlığı.