1. Aşağı salmaq, düşürmək, yaxud enməsinə, aşağı düşməsinə kömək etmək.
…Söz var ki, dağa çıxardar, söz var ki, dağdan endirər.
Arvad ərini geyindirib, qolundan yapışıb, pilləkəndən endirib qayıtdı.
2. Sallamaq, aşağı tutmaq.
[Qız] sanki bir şey xatırlamaq istəyir də, tapa bilməyir kimi, kirpiklərini mütəmadiyən endirib-qaldırır, baxışının vəziyyətini heç dəyişmirdi.
Hümmətəli bircə saat bundan əvvəl qoyulmuş çuqun peçin yanında oturub başını sinəsinə endirmişdi.
3. Aşağı çəkmək, aşağı sürüşdürmək. Papağı gözünün üstünə endirmək.
– …Memar Sadıqzadə üstünə çəkdiyi ipək yorğanı sinəsinə qədər endirdi.
4. Aşağı salmaq, azaltmaq, ucuzlaşdırmaq. Qiymətləri endirmək.
5. məc. Vurmaq, ilişdirmək, çəkmək. Ağac endirmək. Qapaz endirmək. Yumruq endirmək. Qılınc endirmək. – …Xudayar bəyin əlində yekə dəyənək var.
Nə vaxt keyfi istəyir qaldırır, nə vaxt istəyir endirir.
Naznaz əlini qaldırıb Qaraşın təpəsinə endirəndə Qaraş onun biləyindən yapışıb sıxdı.
Aslan atasının endirdiyi yumruq altından sivişib çıxdı.
6. məc. Düşürmək, salmaq, devirmək; məhrum etmək.
Dünən eşitdim ki, Şeyx Əbdülhəmidi taxtdan endirdilər.
[Ağa Saleh:] Biz ağaları bu büsatdan endirən olmaz.
7. məc. Lütf etmək, saymaq, iltifat göstərmək.
Xəbər alıb əhvalımı bilmirsən; Endiribən məclisimə gəlmirsən.
Bilməyən azdır ayı; Lovğalıqda yox tayı; “Mən çox qəşəngəm”, – deyə; Endirmədi kimsəyə.