1. Sözün etimonu ir kəlməsidir və tez deməkdir. Anadolu türkləri nəyi isə sonrakı günə (aya...) saxlamağı bəyan edərkən ertələ sözünü işlədirlər.
2. Bazar ertəsi deyirik. “Sonrakı” mənasında işlədilən ərt (yert) sözü olub. Tuva dilində sabah yerinə erten işlədilir. “Tez” mənasını verən ertə kəlməsi ilə bunların heç bir qohumluğu yoxdur, omonim sözlərdir. İkinci söz erkən kəlməsi ilə qohumdur (sözün kökü er kəlməsidir). Bazar ertəsi ifadəsinin mənası “bazar keçdikdən sonra (bazardan sonrakı gün)” deməkdir. Ertə sözü mənbələrdə erqe, erten, yerte kimi də yazılıb. Söz həm də ötə şəklində qeydə alınıb. Güman ki, ötmək (keçib getmək) feilindən əmələ gəlib. (Bəşir Əhmədov. Etimologiya lüğəti)
