GETMƏK

1. GETMƏK [Kərim baba:] Tüfəngimi götürüb getdim (A.Şaiq); AZİM OLMAQ (kl.əd.) Culfa yolu ilə Təbrizdən keçib, Nəcəfüləşrəf şəhərinə azim olacaq (C.Məmmədquluzadə); ÇIXMAQ Azər şəhərə çıxdı (Ə.Kərim); DABAN ALMAQ (fr.v.) Qəndab: Ancaq ayaqlarım getmir, qəhər məni boğurdu. Ayrı əlac yox idi. Asta-asta daban aldım (B.Bayramov); DƏYMƏK (məc., dan.) Həmid: Mehmanxanada yerimi öyrənib əvvəlcə limana dəyəcəkdim (H.Abbaszadə); İRƏLİLƏMƏK Və bir-birinin ardınca düzülmüş dörd maşın qaranlıqda ağır-ağır irəliləyirdi (İ.Əfəndiyev); İTİLMƏK (dan.) Əbdürrəhman bəy: A gedə, Əbdürrəhim, sən atayın goru tez bir çubuq ver, durum itilim buradan (N.Vəzirov); RƏDD OLMAQ (dan., vulq.) Əl çək yaxamızdan, itil, idbar dilənçi! Rədd ol qapımdan, ağlama zar-zar dilənçi! (M.Ə.Sabir); TƏRPƏNMƏK Nərgiz: Tez ol ata, deyəsən anagilin dəstəsi tərpənir.. (Ə.Məmmədxanlı); ÜZ QOYMAQ Onlar yolun ortası ilə məhkəmə binasına sarı üz qoydular (H.Abbaszadə); VARMAQ Odur ki, bu ayrılıq çağında mən varıram; Atamın daxmasına tək səni aparıram (M.Rahim); YERİŞ ETMƏK Bu sözlərdən sonra qalxdı və heç bir şey söyləməyib ev tərəfə yeriş etdi (N.Nərimanov); YOL ALMAQ Səhər tezdən biz Sabir sovxozuna yol aldıq (İ.Əfəndiyev); YOL BAŞLAMAQ Səba xanım Əfıfəyə mehribancasına bir razılıq verdi; əlindən tutub yelkənə çıxardı və şəhərin qərb tərəfinə yol başladılar (M.S.Ordubadi); YOL ETMƏK (ELƏMƏK) İlyas qəmli bir halda qəbrin üzərindən qalxdı, qəbiristandan çıxıb Xanəgah kəndinə doğru yol elədi (M.S.Ordubadi); YOLA DÜŞMƏK ...Alo yola düşdü (S.Rəhimov); YOLA DÜZƏLMƏK Ayazlı, şaxtalı bir qış axşamı; Yeddi yoldaş olub, yola düzəldik (S.Vurğun); YOLA RƏVAN OLMAQ Şeylər furqona qoyulduqdan sonra rəfiqəm əlvida edərək furqona mindi və “sümsükut” orucunu tutub yola rəvan oldu (S.S.Axundov); YOLLANMAQ Zəhra çadrasız qapıdan çıxıb hara isə yollandı (M.İbrahimov); YÖNƏLMƏK Qəmər ..qıvrılıb açılan cığır ilə kəndə yönəldi (S.Rəhimov).

2. getmək bax yerimək

3. getmək bax ölmək

GERÇƏKLİK
GEYİM

Digər lüğətlərdə

впу́тать гелиотерапи́я нама́тываться нате́льник патрилине́йный преиспо́дний фане́рка шаро́вка вождь выкла́дывание ламу́ты отку́сывание пророкота́ть судмедэксперти́за ува́ривание чего до́брого applejack chuck wagon copper-rose strapwork unattainted вокальный извиваться подтянутый покатиться