indoneziyalılar

İndoneziyalılar (ind. orang Indonesia) — irqindən, etnik mənsubiyyətindən və dini mənşəyindən asılı olmayaraq İndoneziyanın vətəndaşları və ya insanlarıdır. İndoneziya 300-ə yaxın etnikləri olan müxtəlif dillərə, mədəniyyətə və dini inanclara malik multikultural arxipelaq ölkədir. İndoneziyanın 2010-cu il siyahıyaalınmasına görə əhalinin sayı 237,64 milyon idi və 2015-ci ildə 255.4 milyona çatacağı təxmin edildi. . Əhalinin 51%-i dünyanın ən sıx adası Yava adasında yaşayır. İndoneziyalıların təqribən 95% -i yerli indoneziyalılardan olaraq (əvvəllər "Pribumi" olaraq qruplaşdırılmışlar), çoxluq təşkil edən yavalılar, digər 5% -i isə Çinli indoneziyalılar kimi xarici mənşəli atalardan olan İndoneziyalılardır. 2018-ci il tarixində İndoneziyalılar ümumi dünya əhalisinin 3,5% -ni təşkil edirdi və İndoneziya əhalisinə görə Çin, Hindistan və ABŞ-dən sonra dördüncü ən böyük ölkədir. 1967-ci ildən bəri davam edən kifayət qədər təsirli bir ailə planlaşdırma proqramına baxmayaraq, 2010-cu ildə başa çatan on il ərzində İndoneziyada əhalinin artımı 1.49 faiz olmuşdur. Bu nisbətdə İndoneziyanın əhalisinin ABŞ-nin indiki əhalisini üstələməsi proqnozlaşdırılır və əgər ABŞ-nin hazırkı əhalisi yüksəlməsəydi - 2043-cü ilə qədər Çin və Hindistandan sonra dünyanın üçüncü böyüklüyünə çıxacaqdır. İndoneziyanın Ailə planlaması dünyanın ən çox əhalisi olan üçüncü ölkəsinə çevrilməməsi üçün 1967-ci il proqramına əsasən yenidən canlandı.