– Gül əkdim, şaxta vurdu; Nə yaman vaxtda vurdu; Bimürvət ovçu məni; Yardan iraqda vurdu. ().
Mürği-ruhum getməz səndən irağa.
□ İraq düşmək – uzaq düşmək, ayrılmaq, uzaqda olmaq.
[Bahadır] gördü ki, Sonadan xeyli iraq düşübdür.
İraq eləmək – uzaqlaşdırmaq, uzaq eləmək.
Çıxardaq məmləkətdən; Ölkədən iraq eyləyək!
İraq olmaq – uzaq olmaq, uzaq düşmək.
Elə bilsin padşahi-zamandır; Hər kim iraq olur, müxtəsər, səndən.
Müddətdi gözümdən olubdu iraq; Əridib ürəyim dərdü qəm, fəraq.
Gözümdən bir an da iraq olmadın; Mən sənə hər yerdə Vətən deyirəm.
// sif. Uzaq.
Uzaq ölkələrə, iraq ellərə; Axışan buludlar, axan buludlar!
// İs. mənasında. Uzaq yer.
Yolum oldu iraqlar; Çiynim kəsdi yaraqlar; Ayrılıq məlum oldu; Mən ağlaram, yar ağlar. ().
İraq, iraq candan, iraq olsun – uzaq olsun, Allah göstərməsin (qorxulu, zərərli, arzuedilməz bir şey, hadisə haqqında deyilir).
[Gülsüm xala:] Buy, bu nə sözdür deyirsən, a qadasın aldığım, iraq canından, Allah eləməsin ki, Şirin qiyamətə kimi yatsın…
[Səriyyə xala:] İraq candan, [uşaqlar] dilənçiyə oxşayırdılar.
[Kiçikxanım:] Allah eləməsin, iraq candan! – deyə onun əlini sıxdı və tələsirmiş kimi ayrılıb getdi.
