Ey Füzuli, mən qənaət mülkünün sultanıyam; Səltənət isbatı əynimdə pəlasifəqr bəs.
Tez verəsən bu sözlərin isbatın: Nədəndi binası abi-həyatın?
□ İsbat etmək (eləmək) – sübut etmək.
Yalanı kürsüyə mindirir qəni; Ac eyləyə bilməz doğrunu isbat.
İndi cəmi qəzetlər başlayıblar sultanın vətəninə göstərdiyi düşmənçiliyi isbat eləməyə.
Çox ömr eləyib, çox da hünər etmişəm isbat; Bu dari-cahanda.
İsbat olmaq – sübut olmaq, sübuta yetmək.
İsbat olunmaq – sübut olunmaq.
İsbata yetirmək – sübut etmək, qəbul etdirməyə çalışmaq.
…[Xanpəri] dəlil-sübut gətirir, dediklərini isbata yetirir, sözlərini doğruluğa çıxarırdı.
İsbata keçməmək – sübuta yetməmək, sübut edilə bilməmək, qəbul olunmamaq.
Ərzə verdik keçən qubernatə; Keçmədi, heyf, ərzə isbatə.
İsbati-vücud köhn. – varlıq, varlığını göstərmə, mövcud olduğunu göstərmək üçün bir yerdə görünmə.
[Fərhad:] Bəli, doğrudan da sizin isbati-vücudunuzla daha da gözəlləşən təbiət mütləq məni ah çəkməyə məcbur etdi.
İsbati-vücud etmək köhn. – şəxsən olmaq, iştirak etmək.
Hər bir ziyafətdə Mirzə Səfər isbativücud edərdi.
Qarabağ pambıq bəylərinin, demək olar ki, hamısı bu məclisdə isbati-vücud edirdi.
