1. əvəz. Məlum olmayan şəxs, adam.
Səxavət olmayan kəsdə şücaət feli nadirdir; Kərəmsiz kimsəni hər yerdə gördüm, bihünər gördüm.
Vaqif, bir kimsə ki bizdən yaşına; Yəqin bil ki, bizlən olmaz aşina.
2. Heç kim, heç kəs, heç bir adam, heç biri. Kimsə onun qabağına çıxa bilməz. Kimsəyə boyun əyməz. Kimsə gəlmədi. Kimsəni görmədim.
– Bəs ki verməz yuxu göz açmağa fürsət kimsəyə; Sübh gün şənilə hər gün çeşmi-bidar axtarır.
Kimsə bilməz ki, neçə yardən oldum məyus.
Həyətdə kimsə yoxdu.
3. Kimsədən şəklində – heç kimdən, heç kəsdən, heç bir adamdan. Kimsədən minnət götürməz.
– Kim olduğumuzu yəqin ki, kimsədən soruşmadan bilirlər.