1. Münasib, yaraşan. Bu paltar sənə layiq deyil.
– İgidlik iddiasın edənə layiq deyil yalan.
Sənə layiq deyil, Seyyid, dəxi məşuqəbaz olmaq.
[Məşədi İbad:] Zarafat deyildir, bir ətək pul verirəm, … mənim istədiyim odur ki, özümə layiq arvad olsun.
□ Layiq bilmək (görmək) – münasib bilmək (görmək), yaraşdırmaq.
Yadlar ilə danışmaya, gülməyə; Hər sözü şəninə layiq bilməyə…
[Fəxrəddin] bir təhlükə hiss etsə belə, qorxaqlığı öz qəhrəmanlığına layiq bilmirdi.
Layiq görülmək – bir şeyə layiq olduğu qəbul edilmək, layiq hesab edilmək. Mükafata layiq görülmək. Tərifə layiq görülmək.
– Çəmbərəkənd böyük bir şəhərin içərisində yoxsullara layiq görülmüş bir kənd idi.
// köhn. İzafət birləşmələrinin birinci tərəfi kimi işlənir; məs.: layiqi-təhsin (alqışlanmağa layiq), layiqi-tərif (tərifə layiq) və s.
[Humay:] Bu hal, əsla şayani-mərhəmət deyil, olsa-olsa ancaq layiqi-nifrət ola bilər.
Sənəti-şeir ilə, Vahid, sən də göstər bir hünər; Layiqi-təhsin deyil kim ki, sənətkar olmasa.
2. Layiqlə şəklində – bax layiqincə.