MOLLAXANA (dini elmlər məktəbi) İkincisi mollaxanada oxumuş, həzrəti-İbrahimin oda atıldığını eşitmişdi (Çəmənzəminli); MƏDRƏSƏ [Vaqif:] Açılsın hər yerdə məktəb, mədrəsə; Balalar quş kimi versin səs-səsə (S.Vurğun); MOLLA MƏKTƏBİ Səkkiz yaşından molla məktəbinə davam edən Əliqulu ərəb və fars dillərini öyrənmiş, 1894-cü ildə molla məktəbini buraxıb, zamanının görkəmli müəllimlərindən Mirzə Məmmədtağı Sidqi Səfərovun (1854-1903) yenicə açdığı üsuli-cədid məktəbinə daxil olmuşdur (A.Zamanov).