NƏHAYƏTSİZ [Nizami:] Nəhayətsiz heç bir şey yoxdur (M.S.Ordubadi); BİİNTƏHA Muzdur xüsusilə düşdüyü bəladan., xilas olub, divan xatirəsindən qurtulmasını biintəha şakir idi (Qantəmir); BİNƏHAYƏT Mənsur: Məni əbədilik olaraq bəla dəryasının girdabi-binəhayətinə salıb cavan ömrünü, parlaq istiqbalını qəri-zülmati-məzarə yerləşdirmə! (C.Cabbarlı); İNTƏHASIZ Şirvan düzü intəhasız bir dəniz kimi görünürdü (Ə.Vəliyev); NAMÜTƏNAHİ Nizami: Dünyaya namütənahi deyənlər də yanılırlar (M.S.Ordubadi).