1. Əşyanın miqdarını müəyyənləşdirmək üçün işlədilən sual əvəzliyi: nə qədər, nə miqdar.
Neçə kitab aldın? Bu gün neçə yerə getmisən? Neçə şagirddən dərs soruşdun? – [Məşədi İbad:] Qardaşoğlu, haqqhesabımız neçə elədi?
2. əvəz. Zaman bildirən isimlərdən əvvəl gələrək onların qeyri-müəyyənliyini bildirir.
Neçə yüz ildən sonra biz də o məqama çata bilərik.
Neçə dəqiqə idi, sakitlik bərpa idi.
3. əvəz. “Saat” sözündən sonra gələrək vaxtı öyrənmək üçün sual məqamında işlədilir. Saat neçədir? Saat neçədə gələcək?
4. əvəz. Çox, çoxlu; bir neçə.
[Əliməmməd Vaqifə:] Neçə belə bayramlar görək, kefimiz kök, damağımız çağ olsun!
Üstündə ahı var neçə qəribin; Çeşməli dağların, sulu dağların.
5. İs. mənasında. Birdən artıq (çox) adam.
Şirvanın küçələri; Banlayır beçələri; Çağırdım öz yarımı; Hay verdi neçələri. ( ).
Neçəsinin əli dolu; Neçəsinin əli boşdur.
[Sərvnaz:] Hümmət sənin [Şahpəri] fitvanla neçələrini gözümçıxdıya saldı?
□ Bir neçə – bir miqdar, qeyri-müəyyən miqdarda. Bir neçə adam.
6. Neçəyədir, neçədəndir şəklində – qiyməti nə qədərdir, bahası nədir. Kitab neçəyədir? Parçanın metri neçəyədir?