Dilimizdə -ıx4 şəkilçisi həm də adlardan feil düzəldir: otux, qanıx və s. Otuxmaq “heyvanın süddən ayrılaraq ot yeməyə başlaması”dır. Qanıxmaq “itin qanın dadını ilk dəfə bilməsi və sonra adamları dişləməyə həvəsin artması”dır və s. Soluxmaq, uduxmaq, doluxmaq tipli sözlərdəki –ux şəkilçisi isə feildən feil düzəldir, otuxmaq sözündəki –ux şəkilçisi ilə eyni deyil, omonim şəkilçidir. Feildən feil düzəldən –ux şəkilçisi –ümsün (gülümsün) şəkilçisi ilə məna yaxınlığına malikdir, yəni meyil bildirir. (Bəşir Əhmədov. Etimologiya lüğəti)