OVUŞDURMAQ Kimisi dərs oxuyur, kimisi falaqqadan tezə çıxmış ayaqlarını ovuşdurub ağlayır.. (Ə.Haqverdiyev); MASAJ ETMƏK/ELƏMƏK Yanvarın 4-də C.Məmmədquluzadənin halı birdən-birə xarablaşdı. İynə vurdular, masaj elədilər, həkim çağırdılar (Anar); OVXALAMAQ Mələk səylə ilıq suda onun [Cahandar ağanın] ayağını ovxalayıb barmaqlarını şaqqıldatdı, dabanını qaşıdı (İ.Şıxlı); OVMAQ Ağa Səttar: Qaçsaq öldürərlər. Yaxşısı budur ki, Hacı Söhrab sancılansın, biz də duraq belini ovaq (R.Əfəndiyev); PÜŞTMAL ETMƏK Onu Ataboyi yatağına gətirib yuxulaması üçün püştmal etdilər (M.S.Ordubadi).