1. Qazanılan, əldə edilən şey; fayda, xeyir. Bundan heç bir qazanc yoxdur.
Bunun qazancı nədir? – [Fatma xanım:] Mənim axır qazancım budurmu?
// Qənimət.
Dünyadan xoş keçən bir gün aparaq; Qazancdır gəncliyin hər xoş nəğməsi.
2. İşləməklə, çalışmaqla əldə edilən şey, nəticə, səmərə. Öz əməyinin qazancını görmək. Qazanc dalısınca getmək.
□ Qazanca çatmaq – 1) xeyir əldə etmək, fayda görmək. [Almaz:] Bu onun öz faydasıdır.
Həm oxuyacaq, həm də qazanca çatacaqdır. ;
2) qazanmaq, qazanc əldə etmək.
Əymə əyər, mənfəət ilə satar; Pul qazanar, yaxşı qazanca çatar.
// Gəlir, mədaxil.
[Heydər bəy:] Deyək ki, toy istəmədin, axır gərəkməz ki, mənim bir qazanc yolum ola, çörək istəməzsənmi?
Atabala sözünə davam edərək: – Bilirəm, mənim azacıq qazancım səni yaxşı yaşada bilmir, – dedi.
3. Qoyulmuş xərc ilə əldə edilən gəlir arasındakı fərq; mənfəət. Mal satışından alınan qazanc.
– [Hacı Qara:] Beş yüz manat nağd pul verəsən, faydasından, qazancından əl çəkəsən, mayan da əlinə gəlməyə, bu harada görülübdür?
