1. Görüşmək üçün və ya başqa bir məqsədlə birinin evinə gələn adam.
□ Qonaq etmək (eləmək) – məmnuniyyətlə vermək, təklif etmək (yemək, içmək və s.).
Qonaq getmək – çağırılmış bir yerə, qonaqlığa getmək.
Qonaq gəlmək – bir yerə görüşə gəlmək.
Qonaq otağı – evdə qonaqlara, görüşə gələnlərə məxsus xüsusi otaq.
// Birinin başqa bir yerdə (kənddə, şəhərdə) yaşayan tanışı, bir-birinin evində qonaq qalan adamlardan hər biri. Bu kənddə bizim bir qonağımız var.
// Ziyafətə, bayrama və s.-yə dəvət olunmuş adam.
2. məc. Müvəqqəti olaraq bir yerə düşmüş, bir yerdə qalan adam; gəldi-gedər.
// Eyni mənada quşlar haqqında. Bu quşlar yazda bizim yerlərdə qonaqdırlar.
□ Qonaq qalmaq – bir yerdə gecələmək, gecə, ya gündüz azacıq bir zaman üçün bir yerə düşmək, bir yerdə qalmaq. Bir günlük burada qonaq qalacağam.
// Bir iclasda, yığıncaqda, bayramda, şənlikdə və s.-də iştirak etməyə dəvət edilmiş kənar adam. Qonaqlar üçün yer. O, iclasda qonaq sifəti ilə iştirak edir.