Qədim mənası “bələk” deməkdir. Dialektlərdə yığcam adama qındırğa deyirlər. -daq hissəsi bağ kəlməsinin dəyişmiş formasıdır. Qun hissəsi qondarmaq (qıvraq) feili ilə qohumdur. Ümumi məna belədir: bağla və beşiyə qoy (qondar). Qaraqalpaq dilində “bələk” mənasında işlədilir. Onlar “завернуть” sözünü qundaqlamaq kimi tərcümə ediblər. İkinci yozum da mümkündür: qundaq sözünün kökü od mənasını verən köy kəlməsidir, isti deməkdir. Qundaq - “isti elə”, “bələ”, “bağla” mənasını əks etdirir. Anadolu türkləri “зажигательный” mənasında qundaqçı sözündən istifadə edirlər. (Bəşir Əhmədov. Etimologiya lüğəti)
Tüfəng qundağı. Zənn edirəm ki, söykəmək mənasına yaxın olan qondarmaq (qoymaq) kəlməsi ilə bağlıdır. Başqa dillərdə də buna uyğundur: rusca приклад və класть sözləri eyni kökə malikdir. (Bəşir Əhmədov. Etimologiya lüğəti)