radiodalğa

«Radiodalğa» (ing. Frequency, 2000) — rejissoru Qreqori Hoblit olan detektiv triller, ailə dramı, zamanda səyahət və alternativ tarix janrlarını özündə cəmləyən film. Ssenari müəllifi — Tobi Emmerix. Baş rollarda — Dennis Kueyd və Ceyms Kevizel (ssenariya əsasən — ata və oğul müvafiq olaraq). Filmin çəkilişləri Toronto və Nyu-Yorkda aparılıb. ABŞ-də premyerası 28 aprel 2000-ci ildə baş tutub. "Yalnız oğul 30 il əvvəl atasının öldürülməsinin qarşısını alacağına ümid edə bilər." Filmdəki hadisələr Nyu-Yorkda 1999-cu ilin oktyabrında baş verir. 36 yaşlı polis detektivi Con Sallivan (Ceyms Kevizel) otuz il əvvəl vəfat etmiş atası-yanğınsöndürən Frenkın (Dennis Kueyd) ölümü ilə bağlı hələdə narahatdır. O, böyüdüyü evdə atasının köhnə həvəskar radiostansiyasını tapır və radioəlaqəyə başlayır. Qeyri-adi aktiv qütb parıltısı nəticəsində, o, düz 30 il əvvələ, yanğında həlak olmasına az müddət qalmış, atası ilə əlaqəyə çıxdığını aşkarlayır.

Radiodalğalar — təbiət etibarilə elektromaqnit dalğaları olub, fəzada işıq sürəti ilə yayılır: c≈3·108. Radiodalğalar dalğa uzunluğu (λ) və ya tezliklə (f) xarakterizə olunur: λ=c/f və ya f=c/λ. Radiodalğalar çox geniş tezlik intervalını əhatə edir. Cədvəldə radiodalğaların diapazonları və adları göstərilmişdir. Qeyd etmək lazımdırki, hər bir diapazonun praktiki tətbiqi bir sıra faktorlarla: rabitə kanalının uzunluğu və onun "tutumu", dalğanın yayılma yolunun relyefi, küylərin səviyyəsi, verici qurğuların gücü, ilin fəsilləri, havanın meteoroloji xüsusiyyətləri və s. ilə əlaqədardır. Miriametrlik və kilometrlik dalğa diapazonlarından əvvəllər radioteleqrafda geniş istifadə olunurdu. Bu diapazonlardakı dalğaların əsas yayılma kanalı Yer-ionosfera kanalıdır. Bu dalğalar Yer səthilə çox yaxşı yayılır. Lakin bu diapazondakı dalğaları yayımlamaq üçün çox güclü və ölçüləri böyük olan antenalar tələb olunur.