ərəb. məta sözünün canlı dildə işlənən forması
Müasir dildə “qiymətli, az tapılan şey, əziz şey” mənasında işlənir.
Dastanlarda “mal, əmtəə” mənasında rast gəlinir.
Ay ariflər, heç kəs yalqız olmasın,
Yalqız işə daşdan divar deyərlər.
Bəzirgansan, aç matahın, xird eylə,
Ararlar, yükündə nə var deyərlər?
(“Aşıq Alı və Əsmər xanım”)
*
Dedilər:
– Axı bu matahını burada töküb, divanə təki hara gedirsən? (“Qulam-Kəmtər”)