1. Söz, kəlmə, ifadə.
2. Yozma.
□ Təbir etmək – yozmaq, məna çıxarmaq, məna vermək.
Məhsəti xanımın hökumət əleyhinə olmasında şeir və sənəti əxlaq pozğunluğu kimi təbir edənlər müqəssirdir.
3. Təbirincə, təbiri ilə, təbirinə görə şəklində –
…dediyi kimi,
…sözləri ilə desək.
Evin balaca qızı Ulduz isə, anasının təbirinə görə, od-alov idi.
◊ Təbir caizsə, təbir caiz görülsə – …demək olarsa,
…demək mümkündürsə,
…demək münasibdirsə.
Təbir cayiz görülsə, demək olar ki, Hacı Aslan bu küçənin can damarı misalında idi.
Qazançalara termosdan isti xörək … töküldü və təbir caizsə, ziyafət başlandı.