VİDEOTELEFON

İlk videotelefon əlaqəsi — 7 aprel 1927-ci ildə amerikalı alim, "Bell" firmasının mütəxəssisi Herbert Ayvs (Herbert Eugene Ives) dünyada ilk videotelefon əlaqəsini nümayiş etdirmişdir. Bu zaman təsvir yalnız bir tərəfdən qəbul edilə bilirdi. İlk ictimai televiziya yayımı Vaşinqton və Nyu-York şəhərləri arasında həyata keçirilmişdir. == Ədəbiyyat == Əliquliyev R. M., Salmanova P. M. İnformasiya cəmiyyəti: maraqlı xronoloji faktlar. Bakı: "İnformasiya Texnologiyaları" nəşriyyatı, 2013, 169 səh.

Videotelefoniya, həmçinin videozəng — real vaxtlı kommunikasiya məqsədilə müxtəlif yerlərdə insanlar tərəfindən audio və video siqnalların ikitərəfli və ya çoxnöqtəli qəbulu və ötürülməsi. Videotelefon eyni vaxtda video və audio əlaqə qura bilən videokamera və videodispleyli telefondur. Videokonfrans bu texnologiyanın fərdi şəxslər üçün deyil, qrup və ya təşkilati görüş üçün istifadəsini nəzərdə tutur. Teleiştirak dedikdə yüksək keyfiyyətli videotelefoniya sistemi və ya görüş texnologiyası nəzərdə tutulur. Bu videodan kənarda robototexnikaya tətbiq edilir. Videokonfrans həm də vizual əməkdaşlıq adlanır və kollaborativ proqram təminatının bir növüdür. Videokonfrans anlayışının inkişafı XIX əsrin sonlarında başlamışdır, lakin bu texnologiya yalnız 1930-cu illərdən etibarən ictimaiyyətə təqdim edilmişdir. Bu ilkin layihələr poçt şöbələrindəki kabinlərdə quraşdırılmış və müxtəlif dünya ekspozisiyalarında nümayiş etdirilmişdir. 1970-ci ildə AT&T ilk həqiqi videokonfrans sistemini işə salmışdır. Bununla hər kəs xidmətə abunə ola, evində və ya ofisində texnologiyaya sahib ola bilərdi.