İsraildə İvritdilli Yazıçılar Assosiasiyası

İsraildə İvritdilli Yazıçılar Assosiasiyası (ivr. ‏אגודת הסופרות והסופרים העברים בישראל‏‎) – İsraildə ivrit dilində yazan yazıçılar və şairlər üçün nəzərdə tutulmuş təşkilat.

İsraildə İvritdilli Yazıçılar Assosiasiyası
ivr. ‏אגודת הסופרות והסופרים העברים בישראל‏‎
Loqonun şəkli
Təşkilatın loqosu.
Fəaliyyəti ivritdilli ədəbiyyat
Yaranma tarixi 1921
Mərkəzi
Fəaliyyət göstərdiyi yer İsrail İsrail
Qurucusu Haim Nahman Byalik
Üzvləri 500
hebrew-writers.org

Tarixi

[redaktə | mənbəni redaktə et]

İsraildə İvritdilli Yazıçılar Assosiasiyası 1921-ci ildə Tel-Əvivdə yaradılmışdır. Təşkilatın ilk görüşündə İsraildən və xaricdən olan 70 yazıçı iştirak etmiş və Nahum Sokolov assosiasiyanın fəxri prezidenti seçilmişdir.[1]

Ahad Ha-Am, Yakob Fixman, Aşer Baraş, Aaron Abraham Kabak, Haim Nahman Byalik, Saul Çernixovski, Amaliya Kahana-Karmon kimi ivritdilli yazıçılar təşkilatda fəaliyyət göstərmişdirlər[1][2]

Fəaliyyət

[redaktə | mənbəni redaktə et]

2024-cü ilin məlumatına əsasən təşkilatın 500-ə yaxın üzvü var. Təşkilat tərəfindən keçirilən mədəni tədbirlərdə yazıçılar, dramaturqlar, şairlər, ədəbi tənqidçilər iştirak edirlər. Assosiasiyanın hər il təşkil etdiyi mədəni tədbirlərə kitab təqdimatları, mütaliə sessiyaları, ədəbi müzakirələr, simpoziumlar, ədəbiyyat festivalları daxildir.[2]

Təşkilat Tel-Əvivdə yerləşən "Beyt Hasofer" ədəbi layihəsinə təşkilatçılıq edir. Təşkilat tərəfindən Brenner mükafatı və Lamdan mükafatı kimi bir sıra ədəbi mükafatlar təqdim olunur.[2]

Assosiasiya dünyanın ən böyük ivritcə ədəbiyyat arxivi olan "Gnazim" arxivini idarə edir.[2] Arxiv layihəsi 1951-ci ildə təşkilatın üzvü olan Aşer Baraş tərəfindən yaradılmışdır.[3] Tel-Əviv Mərkəzi Kiitabxanasının binasında yerləşən bu arxivdə ivrit ədəbiyyatına aid əlyazmalar və materiallar saxlanılır.[2]

"Moznaim" jurnalı

[redaktə | mənbəni redaktə et]

Assosiasiya tərəfindən hər iki aydan bir "Moznaim" ədəbi jurnalı nəşr olunur.[2] Jurnal 1928-ci ildə keçirilmiş görüş zamanı Haim Nahman Byalikin başçılığı ilə yaradılmışdır. Jurnalın ilk sayı 15 mart 1929-cu ildə nəşr olunmuşdur.[4]

İstinadlar

[redaktə | mənbəni redaktə et]
  1. ↑ 1 2 "About us". Təşkilatın rəsmu saytı (ingiliscə). 15 mart 2012 tarixində arxivləşdirilib. İstifadə tarixi: 22 iyun 2024.
  2. ↑ 1 2 3 4 5 6 "About The Hebrew Writers Association in Israel". Təşkilatın rəsmi saytı (ingiliscə). 24 yanvar 2024 tarixində arxivləşdirilib. İstifadə tarixi: 22 iyun 2024.
  3. ↑ "Gnazim - Archive of Hebrew Writers, Israel". Gnazim rəsmi saytı (ingiliscə). gnazim. 2024-06-22 tarixində arxivləşdirilib. İstifadə tarixi: 22 iyun 2024.
  4. ↑ "Moznaim". Təşkilatın rəsmi saytı (ingiliscə). 15 mart 2012 tarixində arxivləşdirilib. İstifadə tarixi: 22 iyun 2024.

Xarici keçidlər

[redaktə | mənbəni redaktə et]