Şəki "ABAD" Keramika və Tətbiqi Sənət Mərkəzi

Şəki "ABAD" Keramika və Tətbiqi Sənət Mərkəzi — Azərbaycanın Şəki şəhərində yerləşən Qafqazda ilk Keramika Mərkəzi. Mərkəzin binası həm də 1867-ci ildə tikilmiş tarix-memarlıq abidəsidir.[1] Şəki şəhərinin Avropa Keramika marşrutuna daxil edilməsində mərkəzin xüsusi rolu olmuşdur.[2]

Şəki "ABAD" Keramika və Tətbiqi Sənət Mərkəzi
Ölkə
Yerləşir Şəki
Tikilmə tarixi 1867
Vəziyyəti Yenidən bərpa edilib (2018)

Tarixi

[redaktə | mənbəni redaktə et]

"Yuxarı Baş" Dövlət Tarix-Memarlıq qoruğu Şəki şəhərinin qədim tarixi hissəsində yerləşir. Qoruğun UNESCO-nun mədəni irs siyahısına salınması yönündə dövlət tərəfindən müvafiq işlər həyata keçirilir. Şəki Keramika və Tətbiqi Sənət Mərkəzinin binası da qoruğun UNESCO-nun müvafiq siyahısına salınacaq ərazisində, Qala divarlarının içərisində yerləşən beş kazarma binasından biridir.[1]

Bina 1867-ci ildə tikilmiş tarix-memarlıq abidəsidir. O, uzun müddət kazarma kimi istifadə olunub və sonradan baxımsız və qəzalı şəraitdə qalıb. Daha sonra bina "Paşa Holdinq"in dəstəyi ilə yenidən qurulub və müasir avadanlıqlarla təchiz edilib.[1]

2018-ci il oktyabr 29-da Azərbaycan Respublikasının Prezidenti İlham Əliyev və birinci xanım Mehriban Əliyeva Şəkiyə səfərləri çərçivəsində "ABAD" Keramika və Tətbiqi Sənət Mərkəzinin açılışında iştirak ediblər.[1]

Fəaliyyəti

[redaktə | mənbəni redaktə et]

Mərkəzin məqsədi Azərbaycanın tarixi keramika ənənələrinin qorunub saxlanılması və gələcək nəsillərə ötürülməsi, həmçinin müxtəlif çeşidli Azərbaycan gilinin dünyada tanıdılmasıdır. Müəssisədə keramika sənətindən əlavə, xalçaçılıq və digər sənətkarlıq sahələri üzrə təlimlər keçirilir.[3]

O, bir neçə beynəlxalq tədbirlərə, o cümlədən Beynəlxalq Keramika Simpoziumuna ev sahibliyi edib.[4][5] Şəki şəhərinin Avropa Keramika marşrutuna daxil edilməsində mərkəzin xüsusi rolu olmuşdur.[6][7]

Art Hotel

[redaktə | mənbəni redaktə et]

ABAD Keramika və Tətbiqi Sənət Mərkəzinin birinci mərtəbəsində "Art Hotel by ABAD Guest" butik hoteli fəaliyyət göstərir. Otel şərq üslubunda dizayn edilmişdir.[8] 20 nəfərə qədər qonağın yerləşə biləcəyi 8 otaqdan ibarətdir.

Fəxri qonaqlar

[redaktə | mənbəni redaktə et]

İstinadlar

[redaktə | mənbəni redaktə et]
  1. ↑ 1 2 3 4 "İlham Əliyev "ABAD" Keramika və Tətbiqi Sənət Mərkəzinin açılışında iştirak edib » Azərbaycan Prezidentinin Rəsmi internet səhifəsi". president.az (az.). İstifadə tarixi: 2024-08-31.
  2. ↑ "Avropanın Keramika Marşrutunun yeni üzvü - Şəkinin təqdimatı keçirildi". www.heritage.org.az (ingilis). 2024-08-31 tarixində arxivləşdirilib. İstifadə tarixi: 2024-08-31.
  3. ↑ ""ABAD" Şəki Keramika və Tətbiqi Sənət Mərkəzinə mediatur təşkil olunub". Report İnformasiya Agentliyi (az.). 2020-06-21. 2024-08-31 tarixində arxivləşdirilib. İstifadə tarixi: 2024-08-31.
  4. ↑ "Şəki "ABAD" Keramika və Tətbiqi Sənət Mərkəzi Avstraliya mediasında". abad.gov.az (az.). İstifadə tarixi: 2024-08-31.
  5. ↑ "Beynəlxalq Keramika Simpoziumu: təcrübə mübadiləsi və müasir meyillər bir arada FOTO VİDEO". AZƏRTAC. 24.05.2019. 2020-10-29 tarixində arxivləşdirilib. İstifadə tarixi: 2024-08-31.
  6. ↑ "Şəki Avropanın Keramika Marşrutuna üzv qəbul edilib". Report İnformasiya Agentliyi (az.). 2021-06-17. 2024-08-31 tarixində arxivləşdirilib. İstifadə tarixi: 2024-08-31.
  7. ↑ "ABOUT US – Members". European route of ceramics (ingilis). 2024-07-20 tarixində arxivləşdirilib. İstifadə tarixi: 2024-08-31.
  8. ↑ "Art Hotel by ABAD Guest, Sheki, Azerbaijan". Booking.com (ingilis). İstifadə tarixi: 2024-08-31.
  9. ↑ "Albaniya prezidenti "ABAD" keramika mərkəzinin qonağı oldu". abad.gov.az (az.). 2024-04-14 tarixində arxivləşdirilib. İstifadə tarixi: 2024-08-31.