Vüqar Novruzov (icra başçısı)

Vikipediyada bu ad-soyadlı digər şəxslər haqqında da məqalələr var; bax: Vüqar Novruzov.

Vüqar Vahid oğlu Novruzov (7 oktyabr 1980, Bakı) — Naftalan Şəhər İcra Hakimiyyətinin başçısı (2019-cu ildən).

Vüqar Novruzov
Vəzifədədir
4 dekabr 2019-cu ildən
ƏvvəlkiRövşən İbrahimov
Şəxsi məlumatlar
Doğum tarixi 7 oktyabr 1980(1980-10-07) (44 yaş)
Doğum yeri
Təhsili
Atası Vahid Novruzov
Təltifləri "Heydər Əliyevin 100 illiyi (1923–2023)" yubiley medalı "Dövlət qulluğunda fərqlənməyə görə" medalı
Vikianbarın loqosu Vikianbarda əlaqəli mediafayllar

Həyatı

[redaktə | mənbəni redaktə et]

Vüqar Novruzov 7 oktyabr 1980-ci ildə Bakı şəhərində anadan olub. 2001-ci ildə Azərbaycan Texniki Universitetinin Mühəndis-menecmenti ixtisası üzrə bakalavr, 2004-cü ildə Azərbaycan Dövlət İqtisad Universitetinin Mühasibat uçotu və audit ixtisası üzrə magistratura pilləsini, 2017-ci ildə Azərbaycan Respublikasının Prezidenti yanında Dövlət İdarəçilik Akademiyasının Dövlət və bələdiyyə idarəetməsi ixtisası üzrə magistratura pilləsini bitirib.[1]

Yeni Azərbaycan Partiyasının üzvüdür. Dövlət qulluğunun baş müşaviridir.

Ailəlidir, üç övladı var.

Əmək fəaliyyəti

[redaktə | mənbəni redaktə et]

Fəaliyyətinə 2002–2003-cü illərdə Azərbaycan Respublikasının Hesablama Palatasının Təşkilat şöbəsində böyük mütəxəssis kimi başlayıb. 2003–2007-ci illərdə Azərbaycan Respublikası Hesablama Palatasının böyük mütəxəssisi, məsləhətçisi, aparıcı məsləhətçisi, sektor müdiri, 2007–2019-cu illərdə Azərbaycan Respublikası Prezidentinin Administrasiyasının Ərazi-təşkilat məsələləri şöbəsində məsləhətçi, baş məsləhətçi vəzifələrində çalışıb. Bakı şəhəri Xəzər Rayon İcra Hakimiyyəti başçısının 27 sentyabr 2019-cu il tarixli 107 nömrəli əmri ilə Xəzər Rayon İcra Hakimiyyəti başçısının müavini vəzifəsinə təyin edilib.[2]

Azərbaycan Respublikası Prezidentinin 4 dekabr 2019-cu il tarixli Sərəncamı ilə Naftalan Şəhər İcra Hakimiyyətinin başçısı vəzifəsinə təyin edilib.[3]

Təltifləri

[redaktə | mənbəni redaktə et]

Azərbaycan Respublikası Prezidentinin 2 fevral 2024-cü il tarixli Sərəncamı ilə "Heydər Əliyevin 100 illiyi (1923–2023)" yubiley medalı ilə, 21 iyun 2017-ci il tarixli Sərəncamı ilə "Dövlət qulluğunda fərqlənməyə görə" medalı ilə təltif olunmuşdur.

İstinadlar

[redaktə | mənbəni redaktə et]
  1. ↑ "İcra başçısı təyin edilən 39 yaşlı Vüqar Novruzov kimdir?". 2019-12-04 tarixində arxivləşdirilib. İstifadə tarixi: 2019-11-26.
  2. ↑ "Prezident İlham Əliyev Vüqar Novruzovu Naftalan Şəhər İcra Hakimiyyətinin başçısı təyin edib". 04 Dec 2019 - 04 Dec 2019 tarixində arxivləşdirilib. İstifadə tarixi: 2019-11-26.
  3. ↑ "V.V.Novruzovun Naftalan Şəhər İcra Hakimiyyətinin başçısı təyin edilməsi haqqında Azərbaycan Respublikası Prezidentinin Sərəncamı". 4 Dec 2019 tarixində arxivləşdirilib. İstifadə tarixi: 2019-11-26.