xeres 2021

Xeres-de-la-Frontera kafedralı (isp. Catedral de Jerez de la Frontera) – İspaniyanın cənubunda, Əndəlus vilayətində, Kadis əyalətinin Xeres şəhərində yerləşən kafedral. Asidoniya-Xeres Roman Katolik Yeparxiyası bu kafedralda oturur. Kafedral 1931-ci ildə İspaniyanın mədəni irsi elan edilmişdir. == Tarix == Kilsənin tikilməsi qərarı 9 may 1695-ci ildə verilmişdir. Tikinti işlərinə Dieqo Moreno Melendes başçılıq etmişdir. Tikinti işləri düz 80 ildən çox çəkmiş və rəsmi olaraq 6 dekabr 1778-ci ildə tamamlanmışdır. Lakin kilsənin bir hissəsi 16 iyun 1756-cı ildən etibarən ibadətə açıq olmuşdur.Kafedraldan ayrı dayanan və XIII əsrdə tikilmiş köhnə kilsəyə məxsus qülləsi isə 1695-ci ildə sökülmüşdür. Qüllə iki hissədən ibarət idi: mudexar-qotika üslubunda olan aşağı hissə XV əsrə, Xuan de Pina tərəfindən tikilən yuxarı hissə XVII əsrə aiddir.1781-ci ildə kilsənin kafedral statusu alması üçün yerli səlahiyyətli şəxslər İspaniya monarxlarına müraciət etsələr də, bu arzuları 1980-ci ilə qədər baş tutmamışdır. == Quruluşu == Tikili xaricdən normal və uçan akbutan tərəfindən dəstəklənir və transept qübbəyə malikdir.