1. Qadağan.
Mən aşığam, yasaq yoxdur dilimə; Şükr edərəm haqdan gələn zülümə.
Saqi, şərab ilə məni sən tərdəmaq elə; Kimdir baxan bu zahidi-xüşkün yasağına.
□ Yasaq etmək – qanunən qadağan etmək, mən etmək, icazə verməmək.
Babək yenə orada qaranlıqda, ocaqlardan kənarda yük tayına söykənib dayanmışdı, dönüb çadıra tərəf baxmağı özünə yasaq eləmişdi…
// Yasaqdır şəklində – qadağandır. İçəri girmək yasaqdır.
2. tar. Qədimdə Volqaboyu və Sibir xalqlarından alınan vergi; tövcü.
// tar. Ümumiyyətlə, natural vergi; tövcü. Xan və qalan feodallar “qara camaatdan” puldan, baldan və başqa məhsullardan yasaq (xərac) toplayırdılar.