1. Bir istiqamətdə gedərək nəzərdə tutduğu bir yerə çatmaq, yetmək, varmaq, varid olmaq.
Yüzbaşının çavuşu Nəzərəli at üstə, çaparaq yetişər xərmənə.
[Hacı:] Kəndə yetişəndən sonra Almaz uzunboğaz çəkməsini keçi piyi ilə yağlayıb işıldadır.
// Özünü çatdırmaq, vaxtında çatmaq.
Millət boğulur, … əgər dadü fəryada tez yetişməzsə, mümkündür ki, millətdən bir əsər dəxi qalmaya…
Knyazın ordusu yetişib həmən; Bürümüş şəhəri dörd bir tərəfdən.
// Bir istiqamətdə hərəkət edərək bir yerə çatmaq (qatar, gəmi, maşın və s. haqqında). Qatar stansiyaya yetişdi. Biz sahilə yetişdik.
// Göndərilən ünvana, yerə, şəxsə çatmaq; yerinə, sahibinə çatmaq; yetmək. Üç gün əvvəl göndərilən məktub bu gün yetişdi. Teleqram nədənsə sahibinə yetişməyib.
// Gəlib çatmaq; bilinmək. Xəbər nə vaxt yetişdi? Məlumat hələ yetişməyib.
2. Qovuşmaq, birləşmək.
Əziziyəm, yar yara; Qara bağrım yar yara; Ürək titrər, qan qaçar; Yetişəndə yar yara. ().
Yüz hüsn dilü dideyi-heyranə yetişməz; Yüz gənc həqiqətdə bu viranə yetişməz.
3. Çatışmaq, yetmək, çatmaq. Elə qaçırsan ki, sənə yetişmək olmur. Yoldaşıma yetişdim. Qatara yetişə bilmədim.
4. Müəyyən bir həddə, yaşa çatmaq.
[Rzaqulu xan] 28 sinnə yetişdikdə Sorbon darülfünunun hüquq şöbəsindən qızıl nişan və iftixar ilə məzun olmuşdur.
// Büluğa çatmaq, böyümək.
Yetişibsən, indən belə yaraşmaz; Yadlar ilə deyib-danışmaq sənə.
Uşaqlarımız oxuyur, cavanlarımız yetişir, qoy ürəkaçan bir yer olsun, özü də istəyirəm ki, məndən sonraya bir yadigar qalsın!
Buğa yetişən kimi oğlan yenə onun buynuzlarından yapışdı.
// Yetkinləşmək, təcrübə qazanmaq, bişmək.
Biz döyüşdə yetişmişik.
5. Bitmək, vücuda gəlmək, hasil olmaq (bitki haqqında). Abşeronda zeytun çox yaxşı yetişir.
– Elə subtropik bitki yoxdur ki, Azərbaycanda yetişməsin.
6. Dəymək, yeməli hala gəlmək. Meyvələr yaxşı yetişib. Üzümlər çoxdan yetişib.
– [Əyyar:] …Şitillər böyüyər, bağım bağ olar; Meyvələr yetişər, kefim çağ olar.
[Hacı Murad:] Yox, oğlum, dəymə, yetişəndə yığıb sənə göndərəcəyəm.
// İşlənmək üçün hazır vəziyyətə gəlmək. Pendir yetişib, yemək olar.
7. Kifayət etmək, kafi olmaq; çatmaq. Bu ət beş nəfərin xörəyinə yetişməz. Çörək hamıya yetişər.
8. Gəlib çatmaq, yaxınlaşmaq.
[Bəypolad:] Əfsus ki, şərəfi-müsahibətinizdən məhrum olmaq zamanı yetişdi.
9. Tay olmaq, bərabər olmaq, çatmaq (adətən inkarda işlənir).
Eşq atəşi bir od salıb canıma; Yanmaqda yetişməz səməndər mənə.
10. Yetişir, yetişər şəklində – bəsdir, yetər, kifayətdir.
[Cəmil bəy:] Yetişir, Humay, yetişir! Yaralı könlümə buraxmış olduğun yanğını, əmin ol ki, dəryalar belə söndürməz.
[Nüşabə:] Yetişir, bizdə əzizdir qonşu; Düşünün bir, nə zarafatdır bu?