1. Suyun üzündə və ya altında hərəkət etmək.
Bu zaman Qətibə hovuzun kənarında dayanmışdı, suda üzməkdə olan əlvan balıqlara baxırdı.
Sarışın bir rus gənci yeddi-səkkiz yaşlı oğluna üzmək öyrədirdi.
// Suda batmadan hərəkət etməyi bacarmaq. Mən üzə bilmirəm. O, suda çox yaxşı üzür.
// Xüsusi mexanizmlər vasitəsilə müəyyən istiqamətdə suyun üzündə, ya altında hərəkət etmək (gəmi, qayıq və s. haqqında).
Qayıqlar, gəmilər üzür yanaşı; Sallanan bayraqlar əks edir suda.
Adamlar yerə atıldılar və sal yenə də xırıltılı mahnısını söyləyə-söyləyə sağ sahilə üzməyə başladı.
// Gəmidə, qayıqda və s.-də getmək. Teploxodda Volqaboyu ilə üzmək.
// Suya batmadan axarı ilə getmək, hərəkət etmək (şeylər haqqında). Xəzəl suyun üzəri ilə üzür.
2. məc. Havada yavaş-yavaş, sərbəst surətdə hərəkət etmək; süzmək. Planer havada üzür. Qartal havada üzür. Başımızın üstündən bir təyyarə üzüb keçdi.
– …Havada üzən yüngül şeylərin və havanın özünün də ağırlığı vardır.
// məc. Ay, Günəş haqqında.
…Üstdəki Ay da göy dənizdə olan kimi axıb üzürdü.
Günəş çoxdan bozumtul buludlar arasında üzməkdə idi.
// məc. Hərəkət edər kimi nəzərə gəlmək.
Göz işlədikcə uzanan düzlər yaşıllıq içində üzürdü.
Qəhrəmanlar kəndi işıq içində üzdüyü vaxt Gülyanaq yuxudan qalxıb, yataq otağının kəllə pəncərəsini açdı.
// Obrazlı təşbehlərdə.
Xəyalımız üzəydi sevda dənizlərində; Ləpələr üzərində.
Üzürsən qoynunda xoş xəyalların; Boşluğa dirənən ehtimalların.