1. Segah məqamında zərbli muğam.
Sürü-sürü qoyunları çoban yamacda otladır; Alır ələ papağını, oxur şikəstə, fit çalır.
Həzin şikəstə oxuması Gülzarın fikrini dağıtmaq əvəzinə daha da onu qəhər və yas içində boğurdu.
İçi adamla dolu qayıqlarda xanəndələr şikəstə oxuyurdular.
2. sif. məc. klas. Sınıq, qırıq, qırılmış, sınmış.
İntizarın mən çəkirəm neyvəstə; Könül pərişandır, xatir şikəstə.
Sınıq səbudə su tutmaz qərar, mey durmaz; Şikəstə könlümə məhvəm ki, qan ilən doludur.
[Cavan sevgilisinə:] Nə oldu? Söylə, neçin böylə bivəfa çıxdın? Şikəstə könlümü, bilməm, neçin yaxıb yıxdın?
□ Şikəstə etmək klas. – sındırmaq, qırmaq, üzmək.
Etmə şikəstə Seyyidi, ey badəxar, xar; Etsin sənə həmişə bu əhli-dua, dua.
3. sif. məc. Qəlbi qırılmış, qəlbi yaralı, ürəyi sınmış.
Şikəstə Zakirəm, sevmişdim səni; Atəşi-fəraqə yandırdın məni.
Hicran tüccariyəm, qəm şikəstəsi; Axtarıram bu dünyanı sini-sin.
4. is. Fars yazısında işlədilən, sürətlə yazılan yazı xətlərindən birinin adı. Şikəstə xətti.