туьрк, рах., сущ.; -ди, -да; -яр, -йри, -йра 1) са диде-бубадин гъвечӀи яшара авай аял, гьайвандин шараг. Бала виртӀедилай ширин я. Мисал. Кьужадиз хапӀад кур, Жавандиз абур, Баладиз сабур... ХупӀ ярашугъ я. Е. Э. Квез вуч ярашугъ я. Зи азиз хва, масан бала! Къ. М. Экуьнин хва. Дидеди балаяр чӀехи ийизва. А. С. Хуьруьг Тагьиран эсерар. И цӀегьрез сад эркек, сад диши - кьве бала аваз хьана. Ф. Жанавурни цӀегь. 2) аял. Я Аллагь, я Ребби, зи баладиз чан алай бала це. А. А. Пад хьайи рагъ. Синоним: аял, велед. 3) жувалай гъвечӀидахъ галаз рахадайла ишлемишдай гаф. Юкьван буйдин зиринг руш рак ачухна, салам гана, колхоздин председателдин вилик акъвазна: - Рагьман халу, куьне заз эвернайни? - Эхь, чан бала, ацукь, за ваз эвернай, - лагьана цӀару вилер авай, са кьадар яшар хьанвай итимди. И. К. Заза. Эй, чан балаяр, милиз хъвер кваз рахана баде, - зи жегьил чан кулакрин цур тӀунара акъатайди я. 3. Э. Къизилгуьл баде. Зи рикӀ дидед рикӀ я, бала, вун бахтлу хьурай. А. А. Пад хьайи рагъ. 4) куьч. кӀвалин гьайванрин шараг. Са бязи гьайванри хъуьтӀуьз чпин балаяр хада, калери - данаяр, вакӀари - цӀуьрнуьгьар, хипери - кӀелер. 3. К. ТӀебиат чирун. 5) ( чӀехи гьарфуналди Б ) эркекдин хас тӀвар - Бала.
* бала бахт я, бела - агь. мисал